الضباط المتخصصين - شرح الكشف الطبي بالتفصيل مع بعض النصائح لتخطي الاختبار

اول يوم طبي مع توضيح وشرح ال بيحصل ف الكشف  الطبي بالتفصيل وشوية نصايح للرياضي وشروط  التطوع ف الكليات العسكرية  وصلت الكليه 5 ونص لازم تكون معاك االبطاقه لانك هتدخل بيها بعد ما دخلنا شافوا كارت التردد والبطاقه واخدوا البصمه مننا بعد كدا ركبونا اتوبيسات ودخلت بينا جوه تحت مظله قاعدنا تحتها والضابط بينادي برقم القيد يعني مثلا كان بينده من رقم قيد 14 الف لرقم قيد 20 الف يقوموا بعد كدا يقسمهم مجموعات 1 أ 1 پ وهكذا كل مجموعه بتكون حوال 25 او 30 واحد معاهم مندوب المندوب دا بيكمل معاك لاخر اليوم وبيكون معاه الورق بتاعك وبيوجهك للعيادات لاداء الاختبار بياخدكم المندوب لغرفة تغير الملابس بتغيروا وكل واحد بيلبس كيس بلستك ف رجله وبعد كدا بتطلعوا تقعدوا ع كراسي بره لاداء اول اختبار وهو الطول والوزن
- بالنسبه للطول : لو انت طولك 170 بالظبط انت وحظك ممكن الاله تقري طولك 169 او 168 وممكن 170 بالظبط انت وحظك اما لو ف حاله قرت طولك اقل بتتعرض ع مستشار بيحدد اذا كنت تنفع او لا
- بالنسبه للوزن : لو وزنك زايد خالص او اقل خالص بتتعرض ع مستشار ودا يعتبر الالتماس بتاعك هو بيحدد اذا كنت تنفع او لا
بعد كدا بتطلعوا الدور التاني العيادات كلها جنب بعضها سعات بتدخلوا العياده ع حسب ترتيب المجموعه بالترتيب وسعات لو ف عياده فاضيه بتدخلوها علطول
بتدخل جميع العيادات ال 8 بعد ما بتخلص بتطلع تقعد تحت مظله بياخد منك كرت التردد والمندوب بيدخل الاوراق بتعتكوا الارشيف بعد كدا بيطلع يقول النتيجه
ال سقط ف اكتر من عياده بيقله مفيش نصيب ويروح ال نزل ف عياده بيديله كرت التردد وبيقله انزل اعمل التماس تحت بتنزل تعمل التماس ف العياده ال سقط فيها وبيجيبك تاني تتعرض ع لواء دكتور هو بيحدد اذا كنت تنفع او لا اما الناجح بيديله الكارت وبيقله تيجي بكرهتاني يوم طبي

بتدخل بالبطاقه وبكارت التردد وبالطاقه
- بتركبوا اتوبيسات وبتدخل بيكم جوه تحت مظله الضابط بينده بارقام القيد وبيوزعهم مجموعات المجموعه بتوصل من 50 ل 60 طالب بيبقا معاك المندوب بيكمل معاك للاخر بالنسبه للكشوفات ال ف اليوم دا
- ( اشعة صدر - قاع عين - قلب ورسم قلب - موجات صوتيه )
..................................................................
شرح الكشوفات
اول يوم طبي
كشوفات اليوم دا ( طول ووزن - انف واذن واسنان - نفسي - جراحه - جلديه - رمد - عمي الوان - عظام )

اولا - الطول والوزن :
بالنسبه للوزن : الوزن مهم جدا لما تقيس طول ووزن ولقي وزنك ناقص اكتر من 10 كيلوا او اقل من 10 كيلوا هتتعرض ع مستشار وهتقف قدامهم هيقلك لف ارفع ايدك الكلام دا كله اهم حاجه وانت واقف قدامه تحاول تنفخ نفسك لان اهم حاجه عنده ان جسمك يكون متناسق بمعني يكون رياضي مش مفشول لو متناسق هيعديك ومتقلقش اكتر الناس بتعدي وممكن ميحولكش لمستشار ع حسب الدكتور ال هيكون واقف وانت وبتكشف وزن وطول
بالنسبه للطول : لو طولك اقل من 170 بتطلع
ناس كتير طولها من 170 ل 172 يجوا يكشفوا يلاقوا وزنهم 169 او 168 مش عارف اقلكوا ايه يا رجاله والله بس توقعي يعني انت لو فاكر يوم ما اتقاس طولك ف يوم سحب الملف كنت لابس جزمه او كوتش وطبعا زودت معاك ف الطول سنتي او اتنين وطبعا ف الطبي بتقيس من غيرها
- بعد كدا المندوب بياخدكم عشان تختبروا بقية الاختبارات ومش محدده بمعني اي عياده فاضيه هيدخلك فيها علطول يعني ممكن لو عيادة الجراحه فاضيه هتدخلها لو مشغوله والجلديه فاضيه هيدخلك لغاية ما العياده المشغوله تفضي كدا
ثانيا - انف واذن واسنان :
بالنسبه للناس ال عندها مشكله ف الاسنان بصوا عموما الكشف دا ميتخافش منه لانه مش بيسقط حد ع قد كدا
الحاله الوحيده ال ممكن تطلع منها ف الكشف دا لو عندك سنه او ضرس مخلوع ومأثر ع مخارج الحروف لانه هيقلك جمله تقولها دا غير الاختبار النفسي طبعا
- بالنسبه للي عنده اعوجاج بسيط ف الانف هتلحق نفسك وتروح لدكتور بره وتقوله انك بتقدم وكدا وقله انا سمعت ف قطره كدا ممكن متبينش حاجه هيقلك عليها لاني مش فاكر اسمها وهيقلك ع طريقة استعمالها
- بالنسبه للاذن لازم تغسل ودانك قبل كشفك لان لو مغسلتهاش هيرجعك تغسلها

ثالثا - النفسي :
ف الكشف دا بيشوف انت الدغ ولا لا وهيقلكو ع جمله زي ( امر امير الامراء بفحر بئر ف الصحراء) او ممكن يقلك قول 66 او 44 وممكن يسئلكوا سؤالين ممكن يقلك عاصمة امريكا اسمها كدا جاوبت ما جوبتش متقلقش عادي المهم لو مش عارف قله مش عارف يا فندم الاختبار دا كله بيعدي منه الا الالدغ ونسبة نطقه للحرف معدومه

رابعا : الجراحه :
والكشف دا بيشوف عندك بواسير ولا لا وبيشوف عنددك دوالي ولا لا والعاده السريه تبطلها قبلها باسبوع يعني من دلوقت حتي المتجوزين امسكوا نفسكوا يومين او تلاته

خامسا - الجلديه :
بيكشف عن اي امراض جلديه ف الجسد او اي اثر لعمليات جراحه من فوق لتحت يعني لو ف اثر لخياطه وبالنسبه لحب الشباب حب الشباب بيأثر لو ف الوجه وبكثره اما لو ف الضهر وكدا سعات مش بيحطه ف الاعتبار

سادسا - الرمد :
بيقعدك ع كرسي وبيبقا فيه ف الاخر الاوضه كدا عباره عن لوحه او جهاز والدكتور واقف جنبك بيقلك غمض عين وفتح التانيه او ممكن يكون ف ايده حاجه كدا بيغمي عينك بيها وبيكون معاه ليزر بيشاورلك ع دواير صغيره وكدا
سابعا - عمي الالوان :
النسبه لعمي لالوان : ف الدكتور بيكون معاه كروت كدا ملونه وفيها ارقام من واحد ل 99 وبيوريك كروت عشوائيه وبيقلك الرقم ال موجود دا رقم كام فانت تبحث ع النت ع الاختبار دا هيظهرلك الكروت دي تدرب عليها
ثامنا - العظام :
الكشف دا بيسقط ناس كتير عندها تقوص للرجلين او الايدين او التصاق هيقلك اقعد وربع لازم رجلك تلمس الارض وانت مربع وسعات ممكن متربعش هيقلك اقف ع ترااتيف صوابعك وغنض عينك بيشوف اعصابك ولازم تركز لما تغمض لانها صعبه جدا واكتر الناس تيجي واقفه ع تراتيف صوابعها ولما تغمض تيجي وقعه او ترجع توقف ع رجليها كامل

...........................................................................

شرح تاني يوم طبي

كشوفات اليوم دا ( اشعة الصدر - قاع عين - موجات صوتيه - قلب ورسم قلب )
التحاليل ف العرض الطبي العام

اولا - عياده اشعة الصدر :
ال بيخرج منها ال عنده كسر ف الضلوع
بعد كدا بتطلع تقعد تحت مظله بيحطلك قطرة قاع العين وبتقعد شويه
وبعد كدا بتطلع فوق تكشف بقية العيادات والعياده ع حسب ال فاضي

ثانيا - قاع العين :
كانت صعبه ناس كتير بتطلع بسبب عمليات تصحيح النظر وناس كتير عاملها من مده كبيره من 3 سنين وطلعت

ثالثا - عيادة الموجات الصوتيه :
ملهاش التماس للي بيسقط فيها وقليل ال كان بيطلع منها

رابعا - القلب ورسم القلب :
لازم تكون هادي جدا لان ضربات القلب بتكون سريعه بسبب التوتر وال ضربات قلبه سريعه ف الاتنين بيطلع والدكاتره صعبه يعني ال كان بيتوتر كان بيطلع
خليك راجل وحط ف بالك مستقبل عمرك يكمن ف اللحظه دي واثبت ومتتوترش
كدا خلص الطبي
.........................................................

شوية نصائح للرياضي

اولا : اليوم دا هيكون صعب عليك بس مش هتحس بحاجه لان الاختبارات كلها ورا بعضها
ممكن تختبر الجري الاول وممكن القفزه ع حسب ترتبهم
حط ف بالك ان اليوم دا هيحدد قبولك اتعب واضغط ع نفسك اوعي تستسلم انت قدها
بص لصاحبك وقول لنفسك انا احسن منه انا اقوي منه استعن بالله واتوكل ع الله
بالنسبه للناس ال مش بتعرف تعوم وال بتعرف انت اول ما بتدخل بيقل ال بيعرف يعوم يجي ع جنب وال مبيعرفش يجي ع جنب السباحه مش اجباري وساعة القفزه هيكون ف غواصين تحت هيطلعوك يعني متقلقش
وانت ‘اقف فوق هتخاف الشيطان هيتملكك هيقلك هتموت هتقع ع الارض الكلام الهايف دا كله بص لصحبك ال بينط دا قول لنفسك هو احسن مني ف ايه صدقني لما تحسبها هتلاقي كل حاجه سهله وبعد ما تختبر هتعرف كدا

التطوع فى الجيش المصري

تحدد ادارة التجنيد التابعة لوزارة الدفاع موعد التقدم  لمكاتبها ومعسكراتها من اجل التطوع في الجيش المصري لعام 2017 - 2018 ، حيث سيقوم الفريق أول وزير الدفاع والانتاج الحربي والقائد العام للقوات المسلحة صدقي صبحي بالتصديق على ميعاد التطوع بالقوات المسلحة وعلى الشروط المتفق عليها والواجب توافرها في الراغبين بالتقدم الى الجيش المصري، وذلك حسب الاعلان الذي سيتم نشره لاحقاً في جميع الصحف الرسمية من اجل توضيح المؤهلات المطلوبة وكيفية قبول الافراد للتطوع في الجيش المصريوصرح مدير ادارة التجنيد اللواء أركان حرب  ان موعد تقديم الاوراق الخاصة بـ التطوع في الجيش المصري ستبدأ في موعد لاحق اواخرهذا العام.

اما المؤهلات والفئات المطلوبة للتجنيد والتطوع في الجيش المصري 2016 فهي:
الحاصلون على الشهادة الاعدادية او ما يعادلها سواء الاعدادية الازهرية او المهنية او الرياضية ، ويقبل كذلك الحاصلون على الدبلومات الفنية الصناعية (، ودبلوم صنايع كول ، ودبلومات التلمذة الصناعية نظام الثلاث سنوات من التخصصات التالية :
شعبة الكهرباء بجميع تخصصاتها .
شعبة الزخرفة و الزخرفة والاعلان والتنسيق .
شعبة المركبات : ( كهرباء سيارات – ميكانيكا سيارات – جرارات وآلات زراعية – معدات ثقيلة أوناش ) .
شعبة الميكانيكا ( تركيبات برادة – تشكيل ولحام المعادن – سباكة المعادن – التشغيل على الماكينات – معادن وفلزات – أجهزة دقيقة ) .
– الشعبة المعدنية : ( الحديد المشغول – الاثاث المعدني – المعادن الزخرفية – اللحام )
شروط التطوع العامة في الجيش المصري 2016-2017 :
– ان يكون المتقدم مصري الجنسية ومن ابوين مصريين ولم يكتسب الجنسية المصرية عن طريق التجنس
– يجب ألا يقل سن المتقدم عن 15 عاما ولا يزيد عن 25 عاما عند موعد الالتحاق ، وايضا يجب الحصول على موافقة ولي الامر لمن يقل عمره عن 18 سنة .
ويجب على المتطوع أن يكون لائق طبيا ويجتاز جميع الاخنبارات المقررة التي يخضع لها.
اما الملفات والاوراق المطلوبة بالنسة الى التطوع في الجيش المصري 2016 – 2017 فهي:
صورة طبق الاصل من المؤهل الدراسي ويقدم الاصل لاحقا عند القبول والالتحاق .
شهادة ميلاد حديثة مميكنة .
صورة من الموقف التجنيدي .
صحيفة الحالة الجنائية .
صورة من بطاقة الرقم القومي او البطاقات الخاصة بالوالدين او ولي الامر .
بيان قيد عائلي .
عدد 8 صور فوتوغرافية حديثة للمتقدم مقاس 4*6 . بالالوان .
وتقوم وزارة الدفاع بصرف ملفات التطوع بالجيش المصري بمناطق التجنيد ولمدة شهر واسبوع تقريبا حيث ينتهي سحب الملفات.
وتبدأ مناطق التجنيد في استقبال المستندات بعد استيفاء واستكمال الاوراق المطلوبة.
وهناك عدة اماكنيجري تخصيصها عادة لسحب ملفات التقديم منها وهي: مجمع خدمة المواطنين بادارة التجنيد في منطقة حلمية الزيتون بالقاهرة .
مناطق التجنيد والتعبئة التابعة للجيش المصري في المحافظات الاتية: القاهرة – الجيزة – الاسكندرية – مركز الزقازيق بمحافظة الشرقية – مركز طنطا بمحافظة الغربية – قنا – اسيوط – المنيا.
اما الاماكن التي لا يوجد بها مناطق تجنيد فيمكن سحب الملفات من مديرايات الامن .
ووجهت تحذيرات من ادارة التجنيد بضرورة عدم التعامل مع أي فرد خارج المناطق التجنيدية ممن يدعون قدرتهم على الحصول على الملف أو امكانياتهم تقديم الاوراق نيابة عن المتطوع ، او ممن يدعون قدرتهم على التوسط لاجتياز الاختبارات المختلفة.
وهناك خدمة استعلام صوتي تم تخصيصها للاستعلام عن التطوع في الجيش المصري على الارقام التالية : 0226351195 – 02/26339581 .
اما الامتيازات التي يحصل عليها المتطوعين في الجيش المصري فهي التدرح بالترقي الى الرتب المختلفة ، العلاج المجاني لهم ولاسرهم ، توفير الاندية والمصايف لهم باسعار رمزية.